Skip to Content

Blog Archives

Handverkskúnst með glæsilega netverslun

Handverkskúnst með glæsilega netverslun

Handverkskúnst opnaði nýja netverslun fyrir nokkru sem unnin er af Tónaflóði.   Í versluninni má finna ógrynnin öll af girnilegu garni, fallegum prjónauppskriftabókum og mörgu fleiru. 

Skoðaðu netverslun Handverkskúnstar hér: https://handverkskunst.is

0 Continue Reading →

Hefur þú skoðað Heimskautsgerðið við Raufarhöfn?

Hefur þú skoðað Heimskautsgerðið við Raufarhöfn?

Það rís utan um goðsögulegan hugarheim og dvergatal Völuspár og mun virkja miðnætursólina við heimskautsbaug.

Við tókum við vef Hótel Norðurljósa fyrir skömmu og settum þá saman stutt myndband til að vekja athygli á þessu glæsilega mannvirki.

Skoðaðu vef Hótel Norðurljósa hér: https://hotelnordurljos.is

0 Continue Reading →

Traust, þekking, reynsla og gamalgrónir viðskiptavinir

Traust, þekking, reynsla og gamalgrónir viðskiptavinir

Viðtal í DV 8. febrúar 2019

Tónaflóð er eitt af elstu veffyrirtækjum landsins. Upphaflega var fyrirtækið stofnað árið 1989 og verður því 30 ára í ár. En fyrirtækið hefur tekið töluverðum stakkaskiptum síðan það var stofnað. Ævintýrið byrjaði með einni vefsíðu sem sett var upp í tengslum við lög og texta Selmu Hrannar Maríudóttur, annars eigenda Tónaflóðs.

Hvernig kom til að þið fóruð út í að vinna vefsíður fyrir aðra?

„Það var árið 1996 sem ég setti upp fyrstu heimasíðuna fyrir Tónaflóð. Þá var ég að vinna sem rafeindavirki í Miðbæjarradíó og var beðin um að taka að mér að setja upp heimasíðu fyrir fyrirtækið. Í framhaldi fóru hin og þessi fyrirtæki að hafa samband við mig og óska eftir heimasíðu og áður en ég vissi af var vefsíðugerð orðin mitt annað starf,“ segir Selma og bætir við: „Ég hóf síðar störf hjá Nýherja þar sem ég starfaði sem rafeindavirki í 3 ár og svo í framhaldi hjá Ríkisútvarpinu þar sem ég var vefstjóri í 3 ár. Allan tímann hélt vefsíðugerðin áfram að vinda upp á sig sem aukastarf og kom loks að því að ég ákvað að gera vefsíðugerðina að aðalstarfi mínu. Það var árið 2004 og þá ákvað maðurinn minn, Smári Valtýr Sæbjörnsson, einnig að hætta í sínu starfi sem matreiðslumaður og sinna fjölskyldufyrirtækinu. Hann sér um alla þjónustu við viðskiptavini og ég sé um hönnun, forritun og tæknimál,“ segir Selma.

Hvað er það sem þið bjóðið upp á fyrir viðskiptavini?

„Við sérhæfum okkur í WordPress veflausnum. Við hönnum vefi af öllum stærðum og gerðum svo sem fyrirtækjavefi, félagavefi, verslunarvefi, skólavefi, fréttavefi og innri vefi. Við hönnum útlit ýmist alveg frá grunni eða tökum við Photoshop-skjölum frá hönnuðum og kóðum. Við hönnum einnig alls kyns viðbætur og yfirfærum vefi úr nánast hvaða vefkerfi sem er,“ segir Selma.

Hér er dæmi um hvernig við breyttum Photoshop-skjali í lifandi vef.

Hér er dæmi um hvernig við breyttum Photoshop-skjali í lifandi vef.

Tónaflóð býður upp á vefhýsingu með umsjón sem felur í sér að Tónaflóð sér um allar uppfærslur á kerfi og viðbótum. „Þar leggjum við áherslu á öryggi og uppitíma. Við bjóðum einnig upp á leitarvélabestun og útbúum rafbækur, QR kóða og stutt auglýsingamyndbönd. Við tengjum verslanir við greiðslusíður kortafyrirtækjanna og setjum upp rafræna auðkenningu t.d. í gegnum island.is,“ segir Selma.

Hér er dæmi um nokkur auglýsingamyndbönd sem við höfum útbúið.

Hér er dæmi um nokkur auglýsingamyndbönd sem við höfum útbúið.

Af umsögnum að dæma virðast viðskiptavinir ykkar mjög ánægðir. Hvernig náið þið að halda kúnnahópnum svona ánægðum?

„Ég held að traust, þekking og reynsla vegi þar mest. Við leggjum mikla áherslu á persónulega og lausnamiðaða þjónustu og höfum gaman af því sem við erum að gera. Við fylgjumst vel með og erum snögg að aðlaga okkur að breyttum aðstæðum. Þó að mikil reynsla og þekking hafi safnast upp í fyrirtækinu á rúmum 20 árum í þessum bransa, erum við sífellt að bæta við og auka þekkinguna í formi símenntunar. Þar sem tækninni fleygir stöðugt fram, þá höldum við áfram að takast á við nýjar áskoranir. Við erum með fjölmargar lausnir í þróun sem viðskiptavinir okkar munu njóta góðs af og við munum segja nánar frá síðar.“

Viðskiptavinir geta gengið að okkur vísum

„Við höfum fengið til okkar marga viðskiptavini í gegnum árin sem hafa lent í þeirri aðstöðu hjá öðrum vefhönnuðum að þegar átti að fara að breyta og bæta vefinn, þá náðist ekki í þann sem setti hann upp. Viðkomandi var hættur og farinn að sinna öðrum störfum eða jafnvel fluttur erlendis án þess að láta nokkurn vita. Okkar viðskiptavinir hafa margir verið með okkur í 10 og jafnvel 20 ár og hafa alltaf geta gengið að því vísu að ná sambandi við okkur hvenær sem þörf er á.“

Tónaflóð er stafrænt þjónustufyrirtæki og þjónustuskrifstofan er því á tonaflod.is
Öll samskipti við viðskiptavini fara fram í gegnum net og síma og það er alltaf hægt að ná sambandi á auglýstum afgreiðslutíma.

Nánari upplýsingar má nálgast á www.tonaflod.is
Sími: 553-0401
Netfang: [email protected]

0 Continue Reading →

Er vefurinn klár fyrir GDPR?

Er vefurinn klár fyrir GDPR?


Í dag 15. júlí 2018 tóku gildi ný lög ( nr. 90/2018 ) um persónuvernd og vinnslu persónuupplýsinga.  

Með löggjöfinni öðlast einnig lagagildi á Íslandi reglugerð Evrópuþingsins og Ráðsins (ESB) 2016/679 frá 27. apríl 2016. (Genereal Data Protection Regulation, GDPR).

Lögin fela í sér aukin réttindi þegar kemur að persónuvernd. 

 

Öll fyrirtæki skulu hafa auðskiljanlega persónuverndarstefnu.

Gerð er sú krafa að einstaklingar séu upplýstir um hvaða upplýsingum sé safnað og í hvaða tilgangi og jafnframt að þeir veiti samþykki.

 

Persónuvernd skal vera innbyggð í nýjan hugbúnað og upplýsingakerfi.

Innleiðingin hefur óhjákvæmilega í för með sér kostnað við ráðgjöf og uppfærslur.

 

 

Brot gegn reglum geta varðað háum sektum.

Sekt fyrir alvarlegustu brot getur numið allt að 4% af árlegri heildarveltu fyrirtækis eða allt að 20 milljónum evra (um 2,5 milljörðum króna), eftir því hvort er hærra.

 

Hvaða áhrif hefur þetta á vefinn þinn?

Eins og fram kemur hér að ofan þurfa öll fyrirtæki nú að vera með persónuverndarstefnu.  Þú þarft að upplýsa notendur vefsins um hvort þú safnar persónuupplýsingum og ef svo er, í hvaða tilgangi og hvaða lagaleg forsenda sé fyrir hendi.

Ef þú notar tölfræðitól eins og Google Analytics, tekur á móti persónuupplýsingum í gegnum einfalt “Hafðu samband” form eða rekur netverslun svo dæmi sé tekið, þá þarftu að gera ráðstafanir.

Hvað þarf að gera?

Það þarf að byrja á því að greina vefinn og athuga hvort þú ert að nota vafrakökur eða aðrar lausnir sem fylgjast með notendum og geyma persónuupplýsingar.  

Ef þú ert að nota vafrakökur í slíkum tilgangi, þá þarf að útbúa vafrakökustefnu og ganga þannig frá tæknilega að notandi geti samþykkt eða synjað notkun þeirra. 

Það er ekki nóg að segja: Með því að heimsækja eða nota vefinn samþykkir þú notkun á vafrakökum  og hafa svo bara einn hnapp fyrir Samþykkja.  Samþykkið þarf að vera óþvingað (3. grein laga) og notandi á rétt á að synja. Ef notandi synjar, þá þarf að ganga þannig frá tæknilega að vafrakakan verði óvirk hjá þessum aðila.

Ef þú ert að nota form, þá þarf að ganga þannig frá að notandi gefi samþykki fyrir skráningu og vinnslu persónuupplýsinga áður en þær eru sendar.

Þetta eru aðeins nokkur dæmi um atriði sem þarf að kanna.  Best er að fá tilboð í innleiðingu á GDPR fyrir þinn vef.

Myndirnar hér að ofan eru skjáskot úr bæklingi Persónuverndar

0 Continue Reading →

Ný og snjallvæn heimasíða Sólar

Ný og snjallvæn heimasíða Sólar

Við erum stolt af því að hafa sett upp nýjan vef í samstarfi við Sólar fyrir nokkru, en fyrirtækið er eitt stærsta ræstingafyrirtæki landsins með um 320 starfsmenn.  Sólar er leiðandi hvað varðar umhverfisvernd og var fyrst ræstingafyrirtækja til að fá leyfi til að nota Svaninn, norræna umhverfismerkið.

 

Vefurinn var opnaður með pompi og prakt í Iðnó og látum við myndirnar tala sínu máli.

 

 

 

 

Sólar leysti okkur út blómum og gladdi með góðum orðum og kunnum við fyrirtækinu bestu þakkir fyrir.

 

Nánar um verkið

Heimasíða Sólar: https://www.solarehf.is

 

0 Continue Reading →

Tónaflóð notar vafrakökur til að bæta upplifun og greina umferð um vefinn.

Friðhelgisstillingar

Við notum vafrakökur til að skrá upplifun viðskiptavina okkar svo við getum betur komið til móts við þá. Hér getur þú með einföldum hætti haft áhrif á þá virkni.

Vafrakökurnar hér að neðan eru nauðsynlegar svo vefurinn starfi eðlilega.

Þessi vafrakaka vistar stillingar notandans varðandi samþykki á vafrakökum á tonaflod.is

 

• CookieConsent


Þessar kökur eru hluti af WordPress kerfinu.

  • wordpress_test_cookie
  • wordpress_logged_in_
  • wordpress_sec

Decline all Services
Accept all Services