Skip to Content

About: Selma Mariudottir

Selma Mariudottir

Selma Hrönn Maríudóttir er rafeindavirki að mennt og hefur einnig stundað nám í kerfisfræði og forritun, ásamt því að sitja fjölda námskeiða á sviði margmiðlunar. Hún hefur starfað sem vefhönnuður Tónaflóðs frá árinu 1996 og hannað hundruði vefja í nafni fyrirtækisins.

Recent Posts by Selma Mariudottir

Tónaflóð hannar QR kóða – Veistu hvernig hann er notaður?

QR kóði (Quick Response) er ákveðin tegund af strikamerki sem getur innihaldið mun meiri upplýsingar en hefðbundið strikamerki.  Tilgangur með notkun hans er að miðla meiri upplýsingum en þeim sem standa með kóðanum hverju sinni.  Sem dæmi um notkun má nefna kynningarbækling (túristabækling) sem inniheldur kynningartexta og myndir. Þegar notandi skannar QR kóða á bæklingnum með snjallsímanum sínum opnast kynningarmyndband sem er viðbót við þær upplýsingar sem fram koma í bæklingnum.

1 Lesa meira →

Að stofna Facebook síðu fyrir félag eða fyrirtæki

Ertu að setja upp Facebook síðu fyrir fyrirtæki?  Athugaðu að stofna „Like“ síðu en ekki prófíl.

Hér eru ástæðurnar:

  1. Prófílar eða Persónulegar síður eru fyrir einstaklinga en „Like“ síður eru ætlaðar til viðskiptalegra nota.
  2. Að markaðssetja vöru og þjónustu, fyrirtæki, félagasamtök o.s.frv. á persónulegri síðu stríðir gegn reglum Facebook og þú gætir átt von á því að henni yrði lokað.
  3. „Like“ síður eru skráðar í leitarvélar en prófílar ekki.
  4. „Like“ síður geta tengst ótakmörkuðum fjölda síðna, en prófílar geta haft 5000 vini.
  5. Á „Like“ síðu er hægt að vera með sérhannaða lendingarsíðu fyrir notendur.
  6. „Like“ síðu fylgja tölfræðilegar upplýsingar um notendur síðunnar.
0 Lesa meira →

Að taka afrit af Facebook gögnum

Vissir þú að þú getur á einfaldan hátt tekið afrit af Facebook gögnum þínum og flétt í gegnum skilaboð, vinalista, stöðuuppfærslur, myndir og fleira á tölvunni þinni?

Svona ferðu að:

  1. Þú skráir þig inn á Facebook.
  2. Þú smellir á örina uppi í hægra horni og ferð í aðgangsstillingar.
  3. Neðst á þeirri síðu smellir þú á tengilinn „Hlaða niður afriti af Facebook gögnum þínum.“
  4. Á næstu síðu smellir þú á „Start My Archive“ og svo á „Staðfesta“ í framhaldi af því.
  5. Þegar afritið er tilbúið færðu sendan tölvupóst frá Facebook. (Getur tekið dágóða stund).
  6. Þú smellir á slóðina í tölvupóstinum og smellir svo á tengilinn „Hlaða niður afriti“ og slærð inn lykilorðið sem þú notar til að skrá þig inn á Facebook.
  7. Þú smellir á „Download Archive“ og vistar skrána á tölvunni þinni.
  8. Þú opnar möppuna sem þú varst að vista og smellir á HTML skjalið sem heitir index.
  9. Index síðan opnast í vafra og þú getur flétt í gegnum gögnin með því að smella á viðeigandi tengla.

Endilega deildu þessum fróðleik ef þú telur að hann geti komið öðrum að góðum notum 🙂

0 Lesa meira →

Að breyta prófíl eða persónulegri síðu í „Like“ síðu

Ef þú hefur sett upp prófíl eða persónulega síðu fyrir félag eða fyrirtæki, getur þú breytt henni í „Like“ síðu til að fylgja reglum og auka möguleika á að ná settu markmiði.

Svona ferðu að:

  1. Þú skráir þig inn á Facebook.
  2. Þegar prófíl er breytt í „Like“ síðu er prófílmynd færð yfir og vinir eru færðir yfir sem einstaklingar sem líkar síðan.  Í einhverjum tilfellum eru „Lækin“ færri en vinafjöldinn og borgar sig að taka það með í reikninginn þegar ákvörðun er tekin.  Engin önnur gögn eru færð yfir, svo það er mikilvægt að taka afrit af öllum gögnum í upphafi til að geta bætt inn síðar.
  3. Skoðaðu þessa glósu til að sjá hvernig þú tekur afrit af Facebook gögnum.
  4. Smelltu á þessa slóð til að hefja ferlið.
  5. Veldu lýsandi flokk og smelltu á „Byrjaðu“
  6. Sláðu inn lykilorðið sem þú notar til að skrá þig inn á Facebook og smelltu á „Staðfesta“
  7. Hinkraðu augnablik þar til næsta síða kemur upp.  Þar sérðu prófílmyndina og smellir á „Næsta“.
  8. Á næstu síðu skráir þú grunnupplýsingar og heimasíðu ef við á og smellir á „Save Info“.
  9. Nú kemur Facebook með tillögu að beinni slóð á síðuna. Ef þú ert sátt(ur) við slóðina smellir þú á „Set Address“, annars getur þú breytt slóðinni.
  10. Nú er „Like“ síðan tilbúin, en eins og áður sagði vantar allar stöðuupfærslur og myndir.  Þú getur sótt eldri myndir og stöðuuppfærslur úr afritinu sem þú sóttir í upphafi.

 

0 Lesa meira →

 

Recent Comments by Selma Mariudottir

    No comments by Selma Mariudottir